பெண் விடுதலை...
பெண்ணுக்கு விடுதலையென் றிங்கோர் நீதி
பிறப்பித்தேன்;அதற்குரிய வெற்றி கேளீர்;
மண்ணுக்குள் எவ்வுயிரும் தெய்வ மென்றால்
மனையாளும் தெய்வமன்றோ? மதிகெட் டீரே!
விண்ணுக்குப் பறப்பதுபோல் கதைகள் சொல்வீர்
விடுதலையென் பீர்,கருணை வெள்ள மென்பீர்,
பெண்ணுக்கு விடுதலைநீ ரில்லை யென்றால்
பின்னிந்த உலகினிலே வாழ்க்கை யில்லை.
- மகா கவி பாரதி
பெண் விடுதலை...
பெண்ணுக்கு விடுதலையென் றிங்கோர் சதி
பிறப்பித்த நாள் முதல்;அதற்குரிய சேதி கேளீர்;
மனிதனை ஈன்றவள் தெய்வ மென்றால்
மகளிர் யாவரும் தெய்வமன்றோ? சதிசெய் தீரே!
கண்ணுக்கு முன்னே கதறும் பெண்னை
காப்பாற்ற கதியின்றி கதைகள் சொல்வீர்
விட்டில்பூச்சியென்பீர் ,காட்சி பொருள் என்பீர்,
பெண்ணுக்கு விடுதலை இனி இல்லை யென்றால்
இனி இந்த உலகினிலே வளர்ச்சியும் இல்லை, வளமும் இல்லை.
-வளர் கவி சௌமி
No comments:
Post a Comment