Monday, 13 January 2014


புத்தாண்டு வந்தாச்சு...

புரண்டு போன காலத்தை
புரட்டிப்பார்த்தாச்சு
அது போதும்
புத்தாண்டு வந்தாச்சு...

நம்பிக்கை நன்னடத்தை
நங்கூரமாக்கி நகர்ந்து கொண்டு இரு
அது போதும்
புத்தாண்டு வந்தாச்சு...

எதிர்காலம், நிகழ்காலத்தை
கடந்தகாலமாக்காது காத்துக்கொண்டு இரு
அது போதும்
புத்தாண்டு வந்தாச்சு...

சாந்தம், சகிப்பதை
சாதனமாக்கி (குளிர் சாதனகமாக்கி) கொண்டு இரு
அது போதும்
புத்தாண்டு வந்தாச்சு...

எல்லாமே நன்மைக்கதை
எண்ணமாக்கி எட்டு வைத்துக்கொண்டு இரு
அது போதும்
புத்தாண்டு வந்தாச்சு...

தவறுகள் தவறியுமதை
தராமல் தவிர்த்துக்கொண்டு இரு
அது போதும்
புத்தாண்டு வந்தாச்சு...

பணிவு பண்பதை
பரிசளித்து பறை சாற்றிக்கொண்டு இரு
அது போதும்
புத்தாண்டு வந்தாச்சு...

விவேகம், விசேசமதை (மனிதம்)
விருப்பமாயேற்று வீறு நடை கொண்டு இரு
அது போதும்
புத்தாண்டு வந்தாச்சு...

முயற்சியெனும் முன்படியதை
முழுமையாய் ஏற்றுக்கொண்டு இரு
அது போதும்
புத்தாண்டு வந்தாச்சு...

வாழ்க்கையென்னும் வாசனைப்பூவதை
வாஞ்சையுடன் விட்டுக்கொடுத்து வளர்த்துக்கொண்டு இரு
அது போதும்
புத்தாண்டு வந்தாச்சு...

எடைபோட்ட எதிர்காலத்தை
எண்ணி எதையும் ஏற்கும் மனதுடன் ஏணிப்படி ஏறிக்கொண்டு இரு
அது போதும்
புத்தாண்டு வந்தாச்சு...
பொறுமையிலும் பொறுமையதை
பொறுத்து பொலிவு கொண்டு இரு
அது போதும்
புத்தாண்டு வந்தாச்சு...

எதிர்பார்ப்பு ஏமாற்றமதை
எட்டித்தள்ளி ஏறு நடை போட்டுக்கொண்டு இரு
அது போதும்
புத்தாண்டு வந்தாச்சு...

கடமை கண்ணியமதை
கட்டுப்பட்டுடன் காத்துக்கொண்டு இரு
அது போதும்
புத்தாண்டு வந்தாச்சு...

வாழ்க்கைத்தோட்டத்து உறவுப்பூவதை
வசமாக்க மனித நேயம் கொண்டு இரு
அது போதும்
புத்தாண்டு வந்தாச்சு...


புத்தாண்டு வந்தாச்சு...
புதுப்பொலிவு வந்தாச்சு...
புதுவாழ்வு வந்தாச்சு!

No comments:

Post a Comment