Friday, 11 October 2013

எனக்கு பிடித்த பாரதியும், நானும்...(1)

மனத்தில் உறுதி வேண்டும்.

மனதி லுறுதி வேண்டும்.
வாக்கினி லேயினிமை வேண்டும்;
நினைவு நல்லது வேண்டும்,
நெருங்கின பொருள் கைப்பட வேண்டும்;
கனவு மெய்ப்பட வேண்டும்,
கைவசமாவது விரைவில் வேண்டும்;
தனமும் இன்பமும் வேண்டும்,
தரணியிலே பெருமை வேண்டும்  1
கண் திறந்திட வேண்டும்,
காரியத்தி லுறுதி வேண்டும்.
பெண் விடுதலை வேண்டும்.
பெரிய கடவுள் காக்க வேண்டும்;
மண்பயனுற வேண்டும்,
வாகனமிங்கு தென்பட வேண்டும்.
உண்மை நின்றிட வேண்டும்.
ஓம் ஓம் ஓம் ஓம்.
-    
-மகா கவி பாரதியார்
_________________________________________________________________________________

மனத்தில் உறுதி வேண்டும்.


கனவுகள் மெய்ப்பட வேண்டும்.

கன்னியரே,

கனவுகளை கண்களில் எழுதாதீர்கள்
கயல் விழியை நேசிப்பவர்களால்
களவாடப்படும்!

கனவுகளை இதழ்களில் எழுதாதீர்கள்
வாயுள்ள பிள்ளைகளால்
வசூலிக்கப்படும்!

கனவுகளை இதயங்களில் எழுதுங்கள்!
துடிக்கும் பொழுதெல்லாம்
துளிர்க்கும்...!
நினைக்கும் பொழுதெல்லம்
சிலிர்க்கும்!

கனவுகள் மெய்ப்படும்,
லட்சியக் கனவுகள் மெய்ப்படும்!!!
ம் ம் ம்...

 - வளர் கவி சௌமியா

Wednesday, 2 October 2013

என் காதல் தேசம் ...


இதயமே இந்தியா,

உனக்குள் இரு மனமா?  இல்லை
உனக்குள் இரு குணமா?

அன்று நீ ஆங்கிலேயருக்கு அடிமை!
இன்று நீ ஆள்பவருக்கு அடிமை!
அன்று காந்தி வாழ்ந்த தேசம் எங்கே?
இன்று கயவர் வாழும் மோசம் இங்கே!

அன்று இந்தியாவின் இதயம் கிராமம்!
இன்று இந்தியாவே இடியும் சோகம்!
அன்று வயலும் வாழ்வும் வாழ்ந்த நாடு!
இன்று வயாக்ராவும் வாஸ்துவும் வாழ்க்கை கேடு!

அன்று சத்தம் இல்லா சமுதாயச் சாரல்!
இன்று யுத்தம் பெருகும் சமுதாயச் சூழல்!
அன்று சுத்தம் சுகாதாரம் வாழ்க்கை வேள்வி!
இன்று சுற்றுப்புற சூழல் வாழ்க்கை கேள்வி!

அன்று ஒத்து வாழும் கூட்டுக்குடும்பம்!
இன்று ஒதுங்கி வாழும் கூத்தும் குழப்பமும்!

அன்று கொத்தும் குலையுமாய் பச்சை மரங்கள்!
இன்று சொத்தும் சுகமுமாய் காங்க்ரீட் கட்டிடங்கள்!
அன்று பண்பும் பண்பாடும் பாதச் சுவடுகள்!
இன்று பகட்டும் படோபமும் பந்த பாசங்கள்!

அன்று கல்வியும் ஞானமும் அழியாச்செல்வங்கள்!
இன்று  கல்வியும் ஞானமும் பணம் அளிக்கும் சூத்திரங்கள்!

அன்று அன்பும் பாசமும் அரவணைக்கும் நாட்கள்!
இன்று அன்பும் பாசமும் அடையமுடியா முட்கள்!

அன்று பொன்னும் பெண்ணும் மின்னும்!
இன்று பொன்னே பெண்ணைத் தின்னும்!

அன்று வாக்கும் வாழ்வும் அரசியல் மேடை!
இன்று வாக்குவாதமே அரசிடயல் சாக்கடை!
அன்று இல்லமும் இந்தியாவும் ஒன்று!
இன்று லஞ்சமும் பஞ்சமும் சான்று!
அன்பே உன்னை என் காதலனாய் பெருவதில் பெருமை!
அழகே என்னில் மிஞ்சி இருப்பதோ வெருமை!
நீ விட்டொழிக்க வேண்டியது பொறுமை!
நீ கடைபிடிக்க வேண்டியது உண்மை!
நீ காப்பற்ற வேண்டியது மென்மை!
நீ கண்டிக்க வேண்டியது வன்மை!
நீயும் நானும் கொண்ட காதல் மேன்மை! மேன்மை!

'மெய்' உணரும் போது சிலிர்க்கிறது என் மெய்!

குட்ட குட்ட குனிந்தது போதும்!
எட்ட எட்ட முன்னேற வேண்டும்!

காதலி உடனிடருக்க
கடமையை செய்வோம்! வா!
காதல் வளர்ப்போம் வா!

இப்படிக்கு,

இதயமே இந்ததியா நான் என்றும் உன் காதல்காரி சௌமியா!...

Monday, 9 September 2013

கணேச சரணம்!


கணேச சரணம்!

மோதகம், அப்பம், அவல்,
பொரிகடலை, கரும்பு, சுண்டல்,
சுகியன், பிட்டு, தேன், தினை மாவு,
பால், பாகு, கற்கண்டு, சர்க்கரைப் பொங்கல்,
பாயசம், முக்கனிகள், விளாம்பழம், நாவற்பழம்,
எள்ளுருண்டை, வடை, அதிரசம்
சுண்டெலியும் சுரத்து அற்று போய்
கம்ப்யுட்டரும் கைப்பேசியும், கணேசர் கையில்…

அரச மர வினாயகன்...
தெருவோரங்களை மடக்கி,
மூலைதோரும் முட்டிக்கொண்டு…

அவரவர் வசதிக்கேற்ப
ஆஜானுபாகுவாய் ஆதி முதலவன்…

தனது பிறந்த நாளுக்காக
புதிதாய் வந்து ப்பர்கும் இடமெல்லாம்
ஓய்யாரமாய் அமர்ந்திருக்கிறார்
எங்கள் பிள்ளையார் !

பிள்ளையார் பெருமை வாய்ந்த பிள்ளையார்.
கல் பிள்ளையாரைப்போல
நீண்டநாள் வாழ்வு இல்லை என்றாலும்…
இருக்கும் கொஞ்ச நாட்களும்
கொண்டாட்டம்தான் இவருக்கு…

தெருவையே வளைத்து
ஆடும்வரை ஆடி…
ஊர்வல நாளன்று வீதிகளை எல்லாம் பாடி…
கூச்சலிட்டு…கோலாகலமிட்டு...
வீட்டுக்கு வீடு வசூலித்த
அத்தனை காசுபணத்தையும்…
அத்தனை ஆடம்பர செலவுகளையும் தாங்கி…
கடைசியில் ஒன்றுமே இல்லாமல்
கரைந்துபோக மனமின்றி, கரைந்துபோகிறார் எங்கள் பிள்ளையார் !

 அருகிலிருப்பவரை அன்போடு அணைத்தால்,
ஆண்டவனும் அருகில் இருப்பான் எனும்
அன்னையின் வாகிற்கேற்ப...

கிணறுகளிலும் குளங்களிலும்
குட்டைகளிலும் நதிகளிலும்
கடல்களிலும்…

ஏற்கனவே பலநூறு விநாயகர் சிலைகள்
கரைந்தும் கரையாமல்
முட்டி மோதிக்கொண்டு...
முட்டி மோதிக்கொண்டு வருகிறது எம் இமைகளில்.

ஆண்டவனுக்கு கொடுப்போம்...
அன்பாக கொடுப்போம்
அநாதை ஆசிரமங்களுக்கும்
ஆதரவற்றவர்களுக்கும்…கொடுப்போம்...
அவரும் மகிழ்வர், அவனும் மகிழ்வான்.

அனைவருக்கும் விநாயகர் சதுர்த்தி நல் வாழ்த்துக்கள்.

என் முழு முதலோன் ஆசிகளுடன்...
எம் உள்ளக்கிடக்கை விளக்க...
மண்ணில் பிறக்கும் நீ இந்த மண்ணுக்கே சொந்தமாவாய் என கடலில் கரையும் கணேசரின் விருப்பமும் இதுவே...
அனைவருக்கும் விநாயகர் சதுர்த்தி வாழ்த்துக்கள்!

Friday, 6 September 2013

தன்னம்பிக்கை எங்கே அதிகரிக்கிறதோ அங்கே அழகு மிளிரும்!!

தன்னம்பிக்கை எங்கே அதிகரிக்கிறதோ அங்கே அழகு மிளிரும்!!

தன்னம்பிக்கை: தன்னம்பிக்கை வார்த்தைகள்

தன்னம்பிக்கை: தன்னம்பிக்கை வார்த்தைகள்:       தாழ்வுமனப்பான்மை வேண்டாம் . அனைத்தையும் வெல்ல முடியும் . வெற்றியைப்பற்றிய சிந்தனையுடன் செயல்படுங்கள் . தோல்வி , வெறுப்பு , அ...

நெகிழா நெகிழியினெய் அடியோடு ஒழிப்போம்!


நெகிழா நெகிழியே!
நீயும் எம் பூமித்தாய் வழி பிறந்த தாவரத்தின் தவப்புதல்வன்,
தகவல் அறிந்து தடுமாறிதான் போனேன்.
தாவர செல்லுளோஸ் சங்கிலி மூலக் கூறுகளிலிருந்து தயாரிக்க பட்ட நீ
தாய் பூமியை தகர்த்து எறிவது கண்டு தடுமாறிதான் போனேன்.

நடக்கும் நாகரீக மனிதனின் நவயுக வாழ்வில் நீயே நாதமாகி நாசமாக்கிக்கொண்டிருக்கின்றாய்.
நஞ்சுண்ட வளிமண்டலதில் நாள்தோறும் நஞ்சு கலக்கின்றாய்.
மட்குவதற்கு நீ எடுத்துக்கொள்ளும் காலம் மனிதனின் ஆயுளை விட அதிகம், அதிகம்.
மனிதனின் வாழ்வை அழிக்க நீ எடுத்துக்கொள்ளும் காலம்  வேகம், அதிவேகம்.

இயற்கைவளங்களை அழித்ததுபோதும், இடையூறு செய்ததும் போதும்,
இனிய நண்பர்களே! அன்பர்களே!
இனியெனும்...
பூப்பந்தான பூமிப்பந்தை சிதைக்கத்தான் வேண்டுமா? சிந்திப்போம்!
பூமிப்பந்தையே பூஞ்சோலையாய் மாற்றிடுவோம்!
பூவுலகை பூப்போல காத்திடுவோம்!
நெகிழா நெகிழியினெய் உபயோகிக்காது, அடியோடு ஒழிப்போம்!

நெகிழா நெகிழியினெய் அடியோடு ஒழிப்போம்!

Tuesday, 20 August 2013

முதல் கவிதை...



அம்மா!

என்னை பிறபித்து
என்னிடமிருந்து பிறந்த முதல் கவிதை
அம்மா!